Էկո իրավունքի դպրոց 6

Էկո իրավունքի դպրոց 6

Էկո իրավունքի դպրոց - Ընդունելություն

Օգոստոս 2, 2025 I Երևան

«Կանաչ Հայաստան» բնապահպանական կրթական ՀԿ-ն և դանիական NOAH – Friends of the Earth Denmark (Miljøbevægelsen NOAH) կազմակերպությունը հրավիրում են մասնակցելու «Էկո իրավունքի դպրոց» ծրագրի մեկօրյա դասընթացին։

Ծրագիրն իրականացվում է Դանիայի Արտաքին գործերի նախարարության կողմից ֆինանսավորվող «Քաղաքացիական հասարակության հիմնադրամի» (CISU) աջակցությամբ։

Ի՞նչ է առաջարկում դասընթացը

Դասընթացի ընթացքում մասնակիցները կծանոթանան՝

- էկոլոգիական իրավունքի և առողջ շրջակա միջավայրում ապրելու հիմնարար իրավունքի սկզբունքներին,

- բնապահպանական և հանրային մասնակցության իրավական գործիքներին ու դրանց գործնական կիրառմանը,

- SLAPP ռազմավարական դատավարությունների (Ռազմավարական հայցեր ընդդեմ հանրային մասնակցության) ճանաչման և դրանցից պաշտպանվելու մեթոդներին,

- համայնքային համախմբման, իրավական արշավների պլանավորման և դիմադրության ձևերին։

Դասընթացը կվարեն բնապահպանական իրավունքի և դատավարական գործընթացների ոլորտում փորձառու փաստաբաններ ու մասնագետներ՝ Հայաստանից և Ֆրանսիայից։

Դասընթացին կարող են մասնակցել՝

• ուսանողներ,

• ակտիվիստներ,

• լրագրողներ,

• քաղաքացիական հասարակության ներկայացուցիչներ,

• ազդակիր համայնքների՝ հատկապես Վայոց Ձոր, Գեղարքունիք և Սյունիք մարզերի բնակիչներ։

Դասընթացը նախատեսվում է անցկացնել 2025 թվականի օգոստոսի 2-ին՝ Երևանում:

Դիմելու կարգը

Դասընթացին մասնակցելու համար խնդրում ենք լրացնել կցված հայտը:

https://docs.google.com/.../1FAIpQLSfit.../viewform...

Դիմելու վերջնաժամկետ՝ հուլիսի 22, 2025

Արդյունքների մասին դիմորդները կտեղեկացվեն՝ հուլիսի 25-ին:

Ընտրված մասնակիցները կստանան մասնակցության հավաստագրեր և կմիանան Դպրոցի շրջանավարտների ցանցին:

Հավելյալ հնարավորություններ

Հուլիս–սեպտեմբեր ամիսներին Դպրոցի շրջանավարտների համար նախատեսվում են մի շարք հանդիպումներ և միջոցառումներ՝

Կկազմակերպվեն միջազգային մրցանակների արժանացած վավերագրական ֆիլմերի ցուցադրություններ և քննարկումներ։ Ֆիլմերը տրամադրել է մեր դանիացի գործընկեր THE WHY Foundation-ը։ Ցուցադրությունները տեղի կունենան ինչպես դասընթացների ընթացքում, այնպես էլ շրջանավարտների հետագա հանդիպումների ժամանակ։

Բնապահպանական թեմաների շուրջ քննարկումներ, որոնց ընթացքում մասնակիցները կներկայացնեն իրենց փորձը, գաղափարները և համայնքային նախաձեռնությունները։

Դպրոցի շրջանավարտները հյուրասիրությամբ ուղեկցվող միջոցառումներին հնարավորություն կունենան ներգրավել նաև իրենց ընկերներին, համայնքի բնակիչներին, գործընկերներին, որոնք հետաքրքրված են էկոլոգիական իրավունքով՝ ձեռք բերված գիտելիքները տարածելու նպատակով։

#EcoRights #GreenArmenia #EcoRightsSchool #CISU #NOAH #CivilSociety #THEWHY #Documentary #SLAPP #Environment #CommunityMobilization #Jermuk #ArmeniaDenmark #NGO