Էկո իրավունքի դպրոց

Էկո իրավունքի դպրոց

Էկո իրավունքի դպրոց - Ընդունելություն
Հունիսի 27–29, 2025 I Ջերմուկ

«Կանաչ Հայաստան» բնապահպանական կրթական ՀԿ-ն և դանիական NOAH – Friends of the Earth Denmark (Miljøbevægelsen NOAH) կազմակերպությունը հրավիրում են մասնակցելու «Էկո իրավունքի դպրոց» ծրագրի երկօրյա դասընթացին։

Ծրագիրն իրականացվում է Դանիայի Արտաքին գործերի նախարարության կողմից ֆինանսավորվող «Քաղաքացիական հասարակության հիմնադրամի» (CISU) աջակցությամբ։

Ի՞նչ է առաջարկում դասընթացը
Դասընթացի ընթացքում մասնակիցները կծանոթանան՝

էկոլոգիական իրավունքի և առողջ շրջակա միջավայրում ապրելու հիմնարար իրավունքի սկզբունքներին,

բնապահպանական և հանրային մասնակցության իրավական գործիքներին ու դրանց գործնական կիրառմանը,

SLAPP ռազմավարական դատավարությունների (Ռազմավարական հայցեր ընդդեմ հանրային մասնակցության) ճանաչման և դրանցից պաշտպանվելու մեթոդներին,

համայնքային համախմբման, իրավական արշավների պլանավորման և դիմադրության ձևերին։

Դասընթացը կվարեն բնապահպանական իրավունքի և դատավարական գործընթացների ոլորտում փորձառու փաստաբաններ ու մասնագետներ՝ Հայաստանից և Ֆրանսիայից։

Դասընթացին կարող են մասնակցել՝
• ուսանողներ,
• ակտիվիստներ,
• լրագրողներ,
• քաղաքացիական հասարակության ներկայացուցիչներ,
• ազդակիր համայնքների՝ հատկապես Վայոց Ձոր, Գեղարքունիք և Սյունիք մարզերի բնակիչներ։

Դասընթացը նախատեսվում է անցկացնել հունիսի 27-29-ը՝ Ջերմուկում:

Դիմելու կարգը

Դասընթացին մասնակցելու համար խնդրում ենք լրացնել կցված հայտը:

https://docs.google.com/.../1SU9tLQqP77uWU3zY.../viewform...

Դիմելու վերջնաժամկետ՝ հունիսի 12, 2025

Արդյունքների մասին դիմորդները կտեղեկացվեն՝ հունիսի 15-ին:

Ընտրված մասնակիցները կստանան մասնակցության հավաստագրեր և կմիանան Դպրոցի շրջանավարտների ցանցին:

Հավելյալ հնարավորություններ
Հուլիս–սեպտեմբեր ամիսներին Դպրոցի շրջանավարտների համար նախատեսվում են մի շարք հանդիպումներ և միջոցառումներ՝

Կկազմակերպվեն միջազգային մրցանակների արժանացած վավերագրական ֆիլմերի ցուցադրություններ և քննարկումներ։ Ֆիլմերը տրամադրել է մեր դանիացի գործընկեր THE WHY Foundation-ը։ Ցուցադրությունները տեղի կունենան ինչպես դասընթացների ընթացքում, այնպես էլ շրջանավարտների հետագա հանդիպումների ժամանակ։

Բնապահպանական թեմաների շուրջ քննարկումներ, որոնց ընթացքում մասնակիցները կներկայացնեն իրենց փորձը, գաղափարները և համայնքային նախաձեռնությունները։

Դպրոցի շրջանավարտները հյուրասիրությամբ ուղեկցվող միջոցառումներին հնարավորություն կունենան ներգրավել նաև իրենց ընկերներին, համայնքի բնակիչներին, գործընկերներին, որոնք հետաքրքրված են էկոլոգիական իրավունքով՝ ձեռք բերված գիտելիքները տարածելու նպատակով։